VOC Media Business Desk
ബെംഗളൂരു | ഡിജിറ്റൽ ഫിനാൻഷ്യൽ സർവീസ് രംഗത്തെ പ്രമുഖ സ്ഥാപനമായ Navi Finserv Limited, 2025-26 സാമ്പത്തിക വർഷത്തിലും (FY26) നാലാം പാദത്തിലും (Q4 FY26) ശക്തമായ സാമ്പത്തിക പ്രകടനം രേഖപ്പെടുത്തി. കമ്പനിയുടെ നാലാം പാദ ലാഭം മുൻവർഷത്തേക്കാൾ 344.54 ശതമാനം ഉയർന്ന് ₹134.83 കോടിയായി.
മുൻ വർഷത്തെ സമാന പാദത്തിൽ കമ്പനിയുടെ ലാഭം ₹30.33 കോടി ആയിരുന്നു. അതേസമയം, പ്രവർത്തന വരുമാനം (Revenue from Operations) 44.06 ശതമാനം വർധിച്ച് ₹738.19 കോടിയിലെത്തി.
മുഴുവൻ സാമ്പത്തിക വർഷം പരിശോധിക്കുമ്പോൾ, Navi Finserv-ന്റെ ശുദ്ധലാഭം 31.64 ശതമാനം ഉയർന്ന് ₹292.21 കോടിയായി. വാർഷിക പ്രവർത്തന വരുമാനം 8.36 ശതമാനം വർധിച്ച് ₹2,461 കോടിയായി.
കമ്പനിയുടെ വളർച്ചയ്ക്ക് പ്രധാന കാരണങ്ങളായി പോർട്ട്ഫോളിയോ ഗുണനിലവാരം, നിയന്ത്രിത വായ്പാ വിതരണം (Underwriting), കാര്യക്ഷമമായ വായ്പാ ശേഖരണം (Collections) എന്നിവയെ കമ്പനി ചൂണ്ടിക്കാട്ടുന്നു. സാങ്കേതികവിദ്യ അധിഷ്ഠിതമായ പ്രവർത്തന വിപുലീകരണവും വളർച്ചയെ പിന്തുണച്ചതായി കമ്പനി വ്യക്തമാക്കി.
സാങ്കേതികവിദ്യയിൽ കൂടുതൽ നിക്ഷേപം:
FY26 കാലയളവിൽ സാങ്കേതിക അടിസ്ഥാനസൗകര്യങ്ങൾ, ഓട്ടോമേഷൻ സംവിധാനങ്ങൾ, ഡാറ്റാ അധിഷ്ഠിത വായ്പാ വിലയിരുത്തൽ സംവിധാനങ്ങൾ എന്നിവയിൽ Navi Finserv നിക്ഷേപം വർധിപ്പിച്ചു. ഉപഭോക്തൃ അനുഭവം മെച്ചപ്പെടുത്തുകയും പ്രവർത്തന കാര്യക്ഷമത ഉയർത്തുകയും ചെയ്യുക എന്നതാണ് ലക്ഷ്യമെന്ന് കമ്പനി അറിയിച്ചു.
സാമ്പത്തിക മേഖലയിൽ വളർച്ചാ സാധ്യതകൾ:
ഇന്ത്യയിലെ ധനകാര്യ സേവന മേഖലയിൽ ഡിജിറ്റൽ ഇടപാടുകളുടെ വർധന, സാമ്പത്തിക സംവിധാനങ്ങളുടെ ഔപചാരികവൽക്കരണം, കൂടുതൽ ആളുകൾക്ക് വായ്പാ ലഭ്യത എന്നിവ ദീർഘകാല വളർച്ചയ്ക്ക് അനുകൂല സാഹചര്യം സൃഷ്ടിക്കുന്നതായി കമ്പനി വിലയിരുത്തുന്നുവെന്ന് മാനേജിംഗ് ഡയറക്ടറും സി.ഇ.ഒയുമായ അഭിഷേക് ദ്വിവേദി പറഞ്ഞു:
"ദീർഘകാല സുസ്ഥിര വളർച്ചയെ ലക്ഷ്യമാക്കി ശക്തമായ പ്രവർത്തന അടിസ്ഥാനങ്ങളോടെയാണ് ഞങ്ങൾ ബിസിനസ് വികസിപ്പിച്ചുകൊണ്ടിരിക്കുന്നത്. റിസ്ക് മാനേജ്മെന്റ്, അണ്ടർറൈറ്റിംഗ്, കളക്ഷൻ കാര്യക്ഷമത, സാങ്കേതികവിദ്യയുടെ പ്രയോജനപ്പെടുത്തൽ എന്നിവയിൽ ഞങ്ങൾ തുടർച്ചയായി ശ്രദ്ധ കേന്ദ്രീകരിക്കുന്നുവെന്നും അദ്ധേഹം പറഞ്ഞു."
Navi Finserv നെ കുറിച്ച്:
റിസർവ് ബാങ്ക് ഓഫ് ഇന്ത്യയിൽ രജിസ്റ്റർ ചെയ്ത NBFC (Non-Banking Financial Company) സ്ഥാപനമാണ് Navi Finserv. Navi Limited-ന്റെ പൂർണ ഉടമസ്ഥതയിലുള്ള സഹസ്ഥാപനമായ ഇത് ഡിജിറ്റൽ വായ്പ, ഇൻഷുറൻസ്, മ്യൂച്വൽ ഫണ്ടുകൾ, UPI പേയ്മെന്റുകൾ ഉൾപ്പെടെയുള്ള ധനകാര്യ സേവനങ്ങൾ രാജ്യവ്യാപകമായി നൽകുന്നു.
Source: Company Statement
